【代糖夫人信箱】小朋友開心上學去,和平真好

stu

夫人:

夫人你好,我系一個小三學生,因為學校好多測驗,功課又多,搞到我成日好大壓力,成日喊,成日胃痛,好想死牙,究竟點解我地要返學讀書??

小麵上

*** ***

小麵:

夫人雖然無仔女,不過都好關心教育問題,首先應該係「呀」,而唔係「牙」。夫人火氣大既時候通常直接「牙你老母」就算……好喇,小學生要做TSA,升中都有壓力,日日就係返學,係學校度鳩坐六七個鐘,對身體唔好、對精神唔好,仲要學唔到咩實際野或者好野,係好慘既,但夫人同你講喇,你要搞清楚返學唔等於學習。你要搞清楚concept同現實,呢度係香港﹗

返學只係返學,通常唔會學到野;考試都唔係為左測試你有冇學到野——你媽咪Daddy同老師係咪都咁樣成日同你講?錯哂喇,大人就最鐘意呃鳩小朋友既,例如我地會成日話同你儲埋啲利是,等你將來大個讀大學果時用。

考試只係為左要你地自相殘殺。七百萬人,不鬥行嗎。咁撚多學生,我地點樣分邊個升到班、讀到大學啊?逐個了解下你地有咩才能、有咩夢想、有咩岩呀?好撚麻煩喎,要好多資源喎,點做呀,有錢都起多兩個故宮博物館幫習主席宣示主權啦。

所以考試就最efficient喇,以前夫人個年代,殺兩次就會分到邊個生、邊個死。十個人裡面,殺剩兩至三個人,咁佢地就有得讀大學喇,然後我地大人會再呃鳩你,話依家咩都唔好理,讀到大學就等於有未來架喇,當然等於你地啲利是錢,我地大人都係使左去既……依家你地個教育制度仲進步,考一次就殺到夠。以前毛主席鬥人之前,都係設定一個數,拿,死夠呢個quota先可以停架。

其實咩考試呀、教育呀,都係為左殺人,唔係我地大人點handle你地呀?我地有產階級成日叫人讀多啲書,唔係之後邊有人俾我地剝削啊?每日係學校度困六七個鐘(或者更多),愛因斯坦都會變蠢人,咁係因為我地唔想個世界咁多愛因斯坦、馬丁路德金甚至Malcolm X,我地唔想個社會動蕩啊,買唔起樓既人就永遠買唔起樓,和平真好~

祝 日日開心上學

代糖夫人上

代糖夫人信箱:我要飛左Louisa

lu

代糖夫人你好:

是咁的,小妹叫Louisa,係做野既地方遇到一個痴漢C君——我唔知咁樣描述岩唔岩啦。我平時同佢無咩交雜,不過慢慢發現原來仍係自己個FB度成日屌我,話我辜負佢,唔理佢,玩弄佢感情,又話我左右逢源,又話我點解識哂成公司啲人,一時又同Eric講野,一時又同Peter講笑。其實大家平時吹兩個水,唔代表我地夜晚會扑野囉,唔通好似C君咁做人咩。我都唔知點回應好。

近黎C君俾老世降左職,佢本來個位就俾Eric上左。跟住C君又係FB話Louisa個賤人點解唔幫口,Eric個賤人明明私底下嫖賭飲蕩吹,係一個強姦阿婆既汪洋大盜,點解Louisa唔出聲?下我同Eric未熟到會知道佢鐘意強姦阿婆喎。夫人你知啦,係街上面見到痴線佬,盡量唔好同佢有眼神接觸,而且C君既幻想我唔通逐一回應咩。

跟住C君係FB度整左個list,list哂差唔多全公司所有員工(除左佢自己)話佢地都係賤人,我地公司都叫大公司,所以個人名都好長下。不過公司都竟然都有人信。跟住C君又係FB話:「要飛左Louisa條賤人,除非佢跪係度同我道歉,如果唔係我唔會原諒佢」,我真係O_哂嘴~~夫人夫人,工作環境裡面出現呢啲人應該點算?

Louisa上

# # # # # #

Louisa:

拿,痴漢就周圍都係既。唔講你地丫,依家知名後生女議員都有班痴漢跟住,不過可能佢好享受同班「追求者」來來往往呢。講返你。你以為女人先會變怨婦呀?男人怨婦起上黎,仲勁過你呀。可能你好耐以前同C君講過句野,咁你地就一齊左架喇。依家無將你雙規開除出黨已經好好喇。FB講兩句,無論講既有幾戇鳩,都有人信架。大公司又點呀?咪又係一班人頭豬腦﹗著西裝呀?飲Starbucks呀?一講八婆野咪又係個個聽完就講,使撚講係咪真呀?假既仲花生,仲奇情嘛。

你同公司出生入死,打生打死,無人會諗起架,會有人珍惜咩?無架,個個都係自撚私,為名為利。總之就起哄囉,講是非囉,你估香港啲辦公室裡面既人真係辦工既咩。你公司裡面唔係C君,都有另一啲人係咁。人生失敗者就係咁,佢既生活比較有意義既,就係搞是搞非囉。

如果有人搞左隻鑊出黎,業績唔好,咪話全公司(除左自己)所有人都有問題囉。你竟然識第二啲部門既人,你一定係懷有二心啦……之類。夫人後生果時都經歷唔少,痴漢就更加多。溝女唔撚夠膽,幻想裡面當溝左你,之後就覺得俾人玩弄感情,真係媽~好毒呀﹗

所以唔好真係辦公呀,好似佢地咁扮工就得。你都唔使對其他同事有希望呀,群眾既眼睛係唔雪亮架,就算有,都唔會出聲啦。陣間C君係幻想裡面溝埋佢地,當埋佢地自己人咪死?係街上面見到痴線佬,唔好同佢地有眼神接觸呀。

代糖夫人上

代糖夫人信箱:A0點解又會有女朋友?

a0

代糖夫人:

呢四日三晚既ocamp同組爸日以繼夜咁相處,我先發覺自己鍾意左佢,份人又charm 笑起上黎真係好好睇.……佢係運動健將黎嫁,打開籃球,平時著tee個胸都撐到件衫好挺,果日報status,我話自己A0,佢話佢都係喎,仲講笑話不如一齊出pool…今日本身出camp嫁啦,點知佢叫我留低,話飲下酒喎,我一入房 見到得佢同我兩個 已經忍唔住同佢kiss、互摷。

依加諗返起,好對我女朋友唔住… 點算好?唉,自從果日開始 ,組爸都已經冇乜覆我wtsapp,我係咪俾人玩?

點拎解上

*** ***

點拎解:

貴圈真係亂,你個名叫「點拎解」,夫人都想知道,點撚解A0又會有女朋友?你解釋下喇?依家啲後生仔鐘意將自己物化,定係香港人真係咁忙,連感情經驗都要約化成個number,咩A0呀O1呀之類咁。你係A0?A係咪for Ass?未咁用過,所以係0,所以A0只係講你個直腸同埋前列腺無受過刺激?

依家你對唔對得住你個女朋友,唔係重點,依家你最好去藥房買枝驗孕棒,check下自己有冇中招,如果係既,你依家都算係求學時期,唔好話咩係真愛所以要生出黎,唔好呀,拿拿臨去深圳落左佢算,最多代糖夫人之後介紹返個師傅,幫你超渡嬰靈。

組爸係咪玩你?可以分兩個可能性。第一,組爸搞組仔,係快速令組仔融入校園,傳播學校團體精神既習俗。好似太平洋某個小島上面既原住民,佢地既男子成人禮,就係同族中長老扑野,同埋一定要射入去,咁樣就繼承到上一輩既男子氣概。係民族學既角度來看,你地做緊既都係咁上下。可能其他房間裡面都有其他忐忑既組仔,你唔知啫。

第二個可能性:係呀,你俾人玩左,中出即飛囉。鬼叫你見人地大胸,撐到件tee好挺就出哂水、發哂姣咩屌你。你都係有定心理準備好喇,What happens in hall room, stays in hall room. 你自己都爽過啦,let it go.

之後唔使同人報status喇,唔使由A0變成A1,愛慾好悠長,人生亦好慢長,好似靚衫下面既蟻一樣,好癢、好痛,都係自己知好了。第時唔通話自己A11、A20咁呀?巴士路線咩?好似你地咁青春既,先會計住自己做過幾多次、愛過幾多次。有啲野放係心裡面就好了,唔記得仲幸福。菊花殘,滿地殤。菊花唔會計數,你地後生仔亦都唔使咁快計數,計得多仲傷。

祝前後左右 路路暢通
代糖夫人上

來源:高登討論區

【代糖夫人散文】美好的香港

fu

代糖夫人啲中產朋友,一日到黑嗌移民;有錢果班早就移左,不過返黎旨在搵大陸錢咁解。但夫人就唔同意移民喇,唔係因為夫人係「本土派」,只係事實上世界無咩地方好似香港咁好。

香港既街頭小食,進化到有屎抄麵,唔知係「供」果面進化左,定係「求」果進化左;而野飲方面都唔輸蝕喎。依家大家飲緊既東江水,有雌激素。香港人一話港獨,建制派同泛民愛國者齊齊反問,啲水邊度黎呀?拿,依家香港人乖乖地,飲緊「阿爺」恩賜既東江水,就算廣東女仔天生唔大波,飲祖國既水,由A變成E都不是夢。 繼續閱讀 【代糖夫人散文】美好的香港

【代糖夫人信箱】入房四十分鐘 梗係要重新考慮

40000

代糖夫人:

是咁的,小妹就讀緊中六,鍾意左個補習老師張sir,我地成日whatsapp,講講下大家就成日講好多曖昧既野。有日補完習,我話有野問佢,可唔可以問多兩句,佢話趕住去食晚飯,可以食飯前係office度俾十分鐘我。十分鐘我嫌太少,所以拒絕左,但之後佢話,可以俾四十分鐘我,我唔知點解就答應左,之後就係佢office度同佢啪左。

但果次啪完到依家,佢都無再搵我,我想問下,佢係咪鍾意我?我本來話唔去,之後又話去,會唔會令佢覺得我好隨便架?我要點樣manage我既形象?

秀蘭上
繼續閱讀 【代糖夫人信箱】入房四十分鐘 梗係要重新考慮

【代糖夫人信箱】保住你老公條丁

j

代糖夫人:

我就係個師奶黎既,老公係原居民,有丁權起屋果啲。之前都好支持學民思潮班後生仔,點知佢地依家組左緊,唔知點解走哂味。周庭妹妹係《明報》寫左篇《從丁屋及土地政策看前途問題路線分野》,話要取消丁權先可以「自主規劃」,嘴都O撚哂。然後又見到報紙話黃之鋒個instagram post埋啲意淫J圖,下下隊埋去啲女仔既腳呀、胸呀咁,仲有張露埋點,真係世風日下喇,我之前仲同個讀初中既女講,之鋒有為青年黎架,follow下睇下佢啲真知灼見,依家要點樣同阿女消毒好?

丁師奶
繼續閱讀 【代糖夫人信箱】保住你老公條丁

【代糖夫人見聞】大媽舞同埋治療系作家

MAMA

代糖夫人早排咪話去環遊世界既?其中一站就係泰國陽光與海灘。係布吉其中一個海灘,見到一班大媽係度影相,佢地大概五十歲上下,一時張開雙臂,發下發下,咬腰踢,一時用雙手既食指同手指公拈左一條透透地既桃紅色絲巾,隨風飄動,定格影相。

其實,係難頂既。 繼續閱讀 【代糖夫人見聞】大媽舞同埋治療系作家

代糖夫人信箱:解決青年問題 一帶一路保平安

nazi

夫人:

是咁的。我就做高官既,咩名就唔好講喇。依家政府就面對一個好大既問題:青年唔聽話,呢個就暴動,呢個又話買唔起樓,果個就話要獨立。呢一代咩都上網睇,用電視機、報紙,完全洗唔到佢地腦。我就請左個日薪一萬既Facebook專員同我搞好網政,唔只呢樣野搞唔好,仲搞到我係網上面俾人屌得仲勁。

依家國家認為香港既年青人已經不受控制,但搞好佢地既生活,我就做唔到架喇,我都就快返去英國架喇,除左改善香港既環境之外,有咩辦法可以令啲後生仔無咁串?

金鐘人KY上

*** ***

KY:

後生唔聽話,都有分幾種。有一種係真叛逆,真係同你諗法唔同;有啲就係扮反叛,講黎講去都唔知有咩反叛,講黎講去都唔知佢想點,咪位自己係眾志,係列陣,哂冷囉,唔需要咩論述既。

咁對於得個姿態果班,我相信你地都大把方法去撚化;至於真反叛果班,好簡單,殺撚哂佢地囉。

唔得呀?咁仲有好多方法既。你地咪用公民教育既名義,強制啲學生要去一帶一路既沿線國家交流交流囉。呢個係斯文版大逃殺計劃。擴闊眼界喎,一帶一路前景無限喎,唔去會邊緣化喎﹗家長戇撚柒鳩架嘛﹗一定支持架喎。

然後去敘利亞、伊拉克途中,好多事情可以發生架喎,大家都會用自己既方法消失既。依家啲青年咁本土,唔想去,但你地咪規定囉,入親大學就要去,唔係無得畢業﹗咁樣一黎可以減少香港人口,又無人投訴喇,又無人寫咁多反政府言論喇,泛民都會支持架﹗無左港獨撚,佢地咪可以繼續溫和爭取大中華民主統一地球hea做到死囉。

咁死左啲香港青年,就可以加大力度輸入更多祖國青年,人口換血,更方便,更快捷。樓又唔使起咁多。國家既解放軍仲可以向伊斯蘭國賣埋軍火,互相派駐外交特使,直接監督處決過程。香港青年既屍體,可以回收返黎香港火化,做成番梘,又環保,可以振興香港既綠色工業。

綠色工業呢田野,你都知道依家香港雖然都有少少,但都係例如將餐廳用完啲油做成生物燃油,但問題係香港啲廢油,要賣俾祖國做坑渠油架嘛﹗所以做人體脂肪番梘最好,100% made in Hong Kong, make by Hong Kong Indigenous,送禮自奉都咁岩,送俾祖國啲高幹子弟既情婦,個個用完之後皮光肉滑,好過精液面膜或者食人肉饅頭。

呢啲就係香港好,中國好,中國好,香港更好。人又少左,空氣清新,環保,連青年政策都唔使諗鳥。伊斯蘭國就係咁用架啦,等於冇伊斯蘭國,歐美國家都唔可以成日維持係緊急狀態裡面,大權在握;放啲難民入黎,等佢地四周強姦下囉,然後先出招,搞死國內左膠反對派,一舉數得。

呢套系統成功左之後,可以推介返去祖國,等中國都用呢套方法黎解決社會深層次問題。香港帶頭,陣間搞下搞下真係整左條一帶一路,屍山血海,前途無限,上市集資。六十億人,不鬥行嗎?遲下好似Seven-Eleven咁,賣啲專營權俾外國,到時解決全世界既世代矛盾都得,諾貝爾和平獎都有得你攞呀﹗

政治家mode代糖夫人上

代糖夫人信箱:學生好野 多謝學生﹗

choww

夫人你好:

小妹讀大學 YR2,咁呢呢排就識左個男朋友,佢大我一年,咁拍拖就搞到無咩心機做其他野,做功課都 hea hea地,妳都知大學要做好多 project架啦,咁我就成日都甩碌同 hea做,但如果free-rider 既名傳左開去,之後都好難搵人一組做野,但岩岩拍拖真係會無時間讀書架嘛,夫人妳有冇解決辦法?

Agnes上 繼續閱讀 代糖夫人信箱:學生好野 多謝學生﹗

代糖夫人信箱:捐出去既款 射出去既精

money

代糖夫人:

小弟今年二十歲,兩個月前識左個考緊DSE女仔,大家拍拖啦咁,之後就係佢屋企發生左關係,無戴套,射左入去,依家好驚佢會有BB,我唔想做爸爸呀。本來我話放入去,唔會射,點知插插下就射左,依家條女又驚又嬲,佢話:「你唔係話唔會射出黎既咩?」夫人呀點算好??

心急的克勤上 繼續閱讀 代糖夫人信箱:捐出去既款 射出去既精

代糖夫人對話:如何做個守法既citizen

o

代糖夫人有個女性朋友Jennifer,三十頭啦,同佢講起公民黨十周年篇宣言轉「本土」,佢一臉憤憤不平。

識夫人既都知道,夫人好少理會政治,本身亦都係一個上流階級,擁有港豬討厭政治既優良血統,Jennifer就唔同喇,佢就中產出身,都叫有國際化既視野,以世界公民自居,所以都自然會係咁易關注下香港既政治。幾年前,佢曾經幫過余若薇助選,做過公民黨義工,之後都參加過黃傘運動,facebook轉過一排黃傘profile pic。 繼續閱讀 代糖夫人對話:如何做個守法既citizen