【代糖夫人信箱】「爭取佔領返個男朋友」

代糖夫人你好:

小妹畢業無耐,就係公司識左個大我十年既會計師,好快搬左去清水灣同佢住。

咁佢都算係上流社會,屋企都係有錢,家姊細佬唔係哈佛就係劍橋讀書果類。但一齊無耐我先發現佢成日去玩,佢就話呢啲係應酬,佢班豬朋狗都係會去叫雞呀、上遊艇叫哂成班靚模食自助餐咁。

之後我同佢講我唔鐘意,佢話佢就係咁,你接受到先留低!早兩日我返屋企,見到有條女係屋企!我嬲到即刻走左,依家都無返去。我將呢年事同左個愛情作家講,佢話:「有一種幸福,叫原諒。」既然我好鍾意佢,點解唔爭取佢返黎,佔領返個男朋友?夫人我應該點做?

心煩港女上

*******

心煩港女:

首先,果個愛情作家係咪戇鳩架?真係鍾意,去爭取,呢樣野無錯架,但放係你個Case既Context就錯L哂囉!個男人成日去叫雞,串到玩女玩到返屋企,你仲要爭取咩?明明係一個爛橙,你排除萬能含L如苦咁爭取返,係呀個過程係巧勵志、巧感動,但同時巧戇鳩囉!呢個男人係爛入心生埋蟲果隻呀﹗點解反而你要爭取佢返黎?一野轟開佢,攞去堆填都黎唔切啦下嘛?

等於好似依家班大學生話要退出學聯、唔去支聯會六四晚會,有班黨派利益為上既人就走出黎spin,話點解一黎就要分手呀,點解唔爭取學聯返黎呀?點解唔係學聯裡面慢慢改變佢呀?等於你個仆街男朋友咁,仆倒就係佢既本性,係無得改既!支聯會學聯獨裁、無能,同泛民痴埋一舊,係一個package黎架。你條仆街男朋友有錢浪漫,同佢會帶女返黎係你張床上面啪啪啪,係無得分割架,你愛就要愛哂個package架喇。

而且最重要既一點係:個橙都爛到生蟲啦,仲點改變呀?學聯爛到咁,我做咩仲要爭取佢,仲要浪費自己青春去改變佢呀?前世欠左佢呀?你班人咁講,又點解要成日同共產黨扮哂撐到恆咁呀?不如大家解散民主黨、公民黨、社民連、工黨、學聯、民陣,大家齊齊入共產黨深耕細作,爭取共產黨員過來,大家去爭取改變共產黨好過啦?

呀女,你青春有限,點解要做苦情家嫂改變個仆街?飛甩仆街,飛甩老土,做個自立自主、卓然獨立既好女子啦。

PS:同埋借問聲,叫你爭取返個爛橙既愛情作家,係咪民主黨區議員黎架?

祝 盡快退戀成功
代糖夫人上

圖片來源

發表迴響

你的電子郵件位址並不會被公開。 必要欄位標記為 *

Rating*