【代糖夫人信箱】好心你幾廿歲就唔好咁多幻想啦

代糖夫人妳好:

小妹今年十六歲,我發現男朋友鐘意睇AV,是否不愛我呀?另外佢好似特別鍾意日本妹、台灣妹,港女真係咁差咩?

心急人上

*******

心急人:

阿女,你戇鳩既咩﹗男人睇AV,同愛唔愛你,係完全無關既。男人睇AV,只係證明佢係一個心理健康既正常男人。男人睇AV,等於你睇《來自星星的你》,你係咪覺得都敏俊係咪好靚仔,好溫柔、體貼、無所不能?呢樣野咪等於你男朋友鍾意AV裡面啲女優大波、腰幼、長腿、白滑、樣靚之嘛,沒有誰比誰更高尚架。

當然啦,呢啲野如果係夫人我講,就係烈女論性,好女性主義架:但如果係男人講,就係鹹濕、變態、毒撚,所以你問岩人喇。係香港,性呢啲野係女人先有資格講架,男人只可以做,唔可以講﹗

不過香港一向陰盛陽衰架啦,啲男人都唔似男人既,女人就越黎越豪放,男人就走去矯情,日日係度你愛我我愛你,寫埋啲濕鳩斷句愛情文。大佬呀,夫人我果個年代既姣婆書(愛情小說),都起碼文字通順,有個故仔架。依家寫幾句,㩒下個space斷行,就係一篇文,所以依家寫野既成本效益係好過以前好多﹗

至於港男鍾意日本妹、台灣妹,甚至越南妹、鬼妹,呢個一向有fantasy既。未接觸過嘛。正如依家好多女女都鍾意韓國仔啦。韓國男人打女人打到飛起,你會想知道咩?

你問港女真係咁差咩?港女無咩唔好既,只係「男女平等」得耐,咩都直腸直肚,唔會扮野囉,香港地,唔係個個男仔都頂到架,你知依家啲人又無自信、心靈又脆弱架啦。日本妹、台灣妹,係咪真係咁好呢?點解覺得好呢?因為未溝過呀嘛﹗麥兜都有講啦,你未食到隻火雞,果隻火雞既味道先係最好既﹗你未做過果樣野,就自然有幻想架啦。

你男朋友未溝過日本妹、台灣妹,所以咪覺得日本妹台灣妹一定係服侍周到善解人意囉。等於依家啲「黃絲」,全部都係三四十歲以上,老野黎架喇,已經好耐冇做過學生,所以咪覺得啲大學生一定係純潔、無機心、善良、羊咩咩咁囉。呢啲人都戇鳩既﹗幾廿歲人好心唔好咁多幻想啦。大學生咪一樣係人﹗咪一樣有權力慾、私心、墮性?唔知頭唔知路出黎「撐學生」,人地批評又唔抵得,又講唔出咩大道理既,咪傻豬囉。

你男朋友無係日本台灣住過,所以咪有美麗既幻想囉。但係男人呢家野,同黃絲一樣,心靈好脆弱架,如果你唔想同佢撐到咁恆,就唔好當面揭穿佢係咁傻豬啦。做人有啲幻想,比較開心。有座高山,咪望下囉,但上到去咪又係咩都冇;你同佢講,其實上日本妹、台灣妹、鬼妹……咪又係果啲野~~一座高山之後只係另一座高山,上左都無咩咁特別架喳。

祝 遠離傻豬豬顛倒夢想
代糖夫人上

發表迴響

你的電子郵件位址並不會被公開。 必要欄位標記為 *

Rating*