【代糖夫人信箱】摸胸前 先買樓

夫人你好:

小妹今年十六歲,尋晚同男友情到濃時,俾佢摸左個胸一下,好舒服,但之後好驚,請問會唔會有BB架?

心煩人上

******

心煩人:

你呢個並唔係生理問題,而係經濟問題。簡單問你一句:你或你男友有冇樓?如果冇,你就同佢分手啦。

如果你個胸俾佢摸超過兩分鐘,你懷孕既機會率就會高達九成。生仔就梗係要地方,買唔起樓,學咩人咁早熟摸胸呀?陣間有左,臨急臨忙先去排居屋,你知唔知幾多人排呀?早排有個男仔排唔到呀,佢同記者講,呢次仆街喇,返屋企唔知點同女朋友交代﹗

如果你男朋友好想摸你個胸,你可以叫佢去沖個凍水涼。夫人我細個果時,老師都係咁教,依家果啲「反對社會歪風」既基督徒組織,都係咁講架;想摸胸呀?去沖涼啦﹗想摸胸呀?落街跑個步,或者打場波好喇,唔好搞其他波喇。

其實藍球咪又係波,點解唔袋住先?波呢樣野,有咩重要過係圓形?係咪女人身上既,唔係最重要,佢應該顧全大局,求同存異,明白個胸既問題,係關係家庭安全既重大問題。有咩野重要摸下摸下搞到有左,你同你男朋友承唔承擔得起呀?

知唔知依家樓價係幾多錢一呎呀。梁振英先生上場之後,一直升,無停過,你要由唐朝開始儲錢先可以買到樓架。買唔起樓,自唔到立,就要學下禁慾喇。唔係生左出黎,你地兩個禁哂所有慾都養唔起佢同自己呀。

你就冇同我交代過你男朋友係背景既。咁我估佢都係同你一樣年紀啦。如果佢老豆好似李嘉誠咁有錢,咁你今晚就call佢出黎俾佢摸啦,摸到有左,就好似Isabella咁生幾件出黎,都無所謂,養得起咪生囉,生左無屎忽,都係後話啦,係咪先?唔夠既夫人我俾埋我果對佢摸都無所謂架。

但如果你男朋友無父蔭(呢個字係咪太深?即係佢無個有錢老豆呀)既話,咁你就要小心看管你個胸喇。

如果想買到樓,或者你可以考慮下考警察,即係可以隨便攞支棍出黎扑你果啲呀。你入到去分分鐘又會識到其他高質素巴打,可以同佢支(警)棍一齊影相,只要啲相唔好send俾佢女朋友就得喇。

警察人工唔錯架,而且要求又唔高,讀毅進都可以做散仔,或者你同你男朋友係摸胸之前,都可以考慮一下,兩個齊齊做,又有班黃絲俾你隨便扑、拉D阿婆阿伯話佢地打人之類,福利都唔錯,咁就買得起樓啦。

買得起樓,就可以盡情摸胸喇。層樓好緊要架,你後生細女,唔明窮仲慘過你男朋友冇得摸胸要去沖凍水涼呀。大時大節呀,你去D公園睇下,幾撚多人係個公園度摸黎摸去呀。你估佢地個個都貪公園放開中又帶點隱閉咁有情調咩,佢地咪又係屋企人個個係哂度你眼望我眼,做咩都唔方便啦下嘛?

所以有層樓,係幾緊要﹗想摸胸?咁你就要儲錢買樓喇,去考警察啦,唔使驚你啲朋友話你出賣靈魂喎。你覺得出賣靈魂慘啲,定係係公園同你男朋友一齊既時候俾人影埋你地點樣含、吹、舐、啜、磨,擺埋上youtube?你諗下呢樣,你就覺得出賣靈魂都唔係好大件事架咋。

祝身材蒸蒸日上 及 早日成為慈母
代糖夫人上

【代糖夫人信箱】係老人院門口扑野

發表迴響

你的電子郵件位址並不會被公開。 必要欄位標記為 *

Rating*