由仙女變成臭西的Whatsapp

Android版whatsapp開始收費,每年八塊錢,竟然才是香港人最關心的事。相比之下,甚麼中港矛盾、Dreambear跳樓、媽媽無奶粉,都是雞毛蒜皮的小事了。為了這每年八塊的年費,大批香港網民鼓燥非常,齊齊到Google Play炸板。

這畢竟是普羅大眾理所當然的質素。先不要說Whatsapp早就表明自己是收費軟件、免費時期只為推廣。八塊錢是不是一個不合理的價錢?Whatsapp幫大家逃離了SMS的魔掌,不用再因為要跟囡囡們SMS而被迫和嘉誠哥簽約,這還不是個功德嗎?這些年,Whatsapp為大家傳送了多少無聊的家常便飯、多少J圖、行了多少溝女和溝仔的方便?我不認為Whatsapp是一間公司,我簡直覺得他們是慈善家、是來「改變世界」的。

但這八塊錢,好像要了香港人的命似。幾千元一台智能手機,倒是說買就買了。為了八塊錢,網民突然變得勇武非常、非常據理力爭,這種反應,又不會出現在中共剝削港人、雙普選走數、梁振英說謊涉黑之類的問題上。香港每天都發生許多值得氣憤的事,可是來來去去都只是少數人在憤怒,大多數人還是低著頭,看著他的Samsung Galaxy,發著訊息、用著全機都是.apk檔裝來的盜版軟件。

小小一個Whatsapp要收每年八塊的一點點錢,就跳起來。這種敏感度,要是能推要廣之,香港早就革命,推翻中共統治了。可是香港人的精明,卻永遠只在爭小便宜;大事情,卻很看得開。整個香港的政權被人家騙去了,也沒甚麼所謂。

既然八塊錢令人那麼痛苦,就乾脆刪掉它,轉用強國的「微信」吧。還見過九龍塘火車站有人擺檔,叫人安裝微信,送汽水,還真的有人抱著一裝無妨的心態。小便宜嘛,有甚麼所謂?廿三條換普選都講得出啦,不要怪一般低水平的蟻民。

既然Whatsapp已經由一下子因為八塊錢而由仙女變成臭西,那麼就轉投強國二奶微信吧,樣靚身材好,還是免費的。你以為只要不講政治,就好了。只要你不怕軟枕高床說的悄悄話,會被逐字紀錄在案,連你用甚麼廁紙、發過甚麼J圖都不例外。用吧,胡佳都警告過你們了,可是你討厭政治嘛,用微信,應該不是政治的一環吧?明明是坑渠油,你偏貪小便宜,要吃下去。那麼將來有一個「中國式的死法」,也是你活該的。

35 thoughts on “由仙女變成臭西的Whatsapp”

    1. ios同android兩個唔同平台,ios程式設計簡易過android,8蚊一年已經好平
      dllm你地成班攞住d咁既point來嘈,你地自己去設計囉

    2. fair? many games, like angry birds, are free on android, but you have to pay on ios

      compatibility
      is a big issue on android platform because there is a lot of phones
      with different specifications…it makes problems on coding…

      $8/year is really cheap for such frequently used apps

    3. “如果佢一視同仁的話我會俾”
      “為甚麼用iPhone就只須付一次錢,Android就要交年費?”
      民智未開

      1. 咁又唔見angry bird iphone user 會嘈佢點解唔使收錢?
        你地用果o既android 有幾白痴, 唔係programmer o既你唔會明
        ios o既簡化, 好多人會話佢無得選擇, 正正因為咁, spec 只有一個, code 一次, iphone, touch, ipad 都用到, programmer 收一次錢咩都夠, 因為你唔使再為之前d code 去煩

        android, 只係一個$amsung galaxy 系列有幾多唔同o既spec, screen resolution 又唔同, 你寫一個app 要出十幾個唔同o既layout, 年費係你年年換機, 你就用緊同一個app, programmer 就要為你部新機寫多次. 依個係google 為左打apple 而唔去統一spec 令programmer 受苦而令到你地要俾錢, 一年收你8蚊算係好一視同仁, 講真, 依家好多人半年多d換一次機, 佢唔做到每換一次機收你8蚊算好

        1. 很多盲點…不過我只想說, 一個app 收費與否, 不在於programmer 是否要受苦, 而是開發商想如何收取利益,向誰收取利益。

  1. 还有fb和line可以用的嘛….不要说得不选whatsapp就一定是支持强国的产品啦…现在fb的普及率远比任何apps更多用户的吧..

  2. 其實收錢好正常,八蚊又唔貴,一個 apps 比人鬧實在冤枉。但站在用家角度,相比起 Line 的話 whatsapp 又真係有少少不思進取,又成日唔穩定。如果我係 Andriod 用家我都會比錢,因為係值的,但同其他 apps 比較的話,佢再唔進步就會死。假如收錢之後,少左人玩,對 whatsapp 來講亦唔係好事,如果有一半朋友搵唔到,咁我點解要用個 apps?

  3. 我都比佢收左錢,我都照比,其實收錢而且收得咁平真係冇問題,問題係早排傳出WHATSAPP要收取費用,佢地個唔知咩總裁走出黎澄清冇D咁既事。
    今次佢收我費,我覺得佢地好狡猾,要收咪收囉,又唔係多。而我既感覺係我覺得佢地怕呢個傳聞傳出去客戶會即時減左一大節,真係要收錢時會收少一大節。於是,老細走出黎講下大話,又呃人之嫌。冇錯,WHATSAPP係幫左唔少人,唔駛比SMS費,不過,LINE等都係同樣有呢個功能。係生意佬既角度,其實WHATSAPP係冇錯既。 無奸不商嘛。
    PS: 我用信用卡入左4次, 佢就足足收左我4次錢,去到第5次先開得返個WHATSAPP,真D老土,我打電話去CARD CENTRE, 佢收足我幾次錢,要等下次張單來左,我先可以同CARD CENTRE再decline

  4. 付費不是問題, $8 也是超值
    問題在於明明大家的免費期都在2月之後 (例如小弟原本就是5月才要付費), 竟突然提早完結還要只有七天時間, 這真的有點兒問題

  5. 俾錢唔係問題
    但係有d人明明可以lifetime免費 (指無用過ios reg既人)
    有d人就要年年俾8蚊
    如果佢一視同仁的話我會俾
    但係你要我俾錢買d免費既野真係買唔落

  6. 由微博到微訊,一街豬兜越用越興奮、越發越高潮,這條肥美魚餌的另一端是甚麽有幾多人用腦想過? 收綫的一天到來你抵得住沒?為了要用八元換取一個自由世界而發癲? Fxxk !

  7. 既然有人咁不滿,不如叫行公義好憐憫既基督徒帶頭,號召八十八萬人絕食八日八夜,抗議收費八蚊,如果whatsapp仍不妥協,可以將行動升級,每八個小時有八位義士自焚!
    林以諾高皓正定可擔此重任!為表示支持,小弟捐出八年whatsapp收費共六十四元購買火水助慶!!!

    1. 真無知,你用we chat 吧啦,唔怕死咪喺we chat 度打中國政府貪腐無能 send 比你d朋友,睇吓之後會點:D

  8. D 人又會搞笑嘅?! 好話唔好聽,10年先80蚊,1世紀先800蚊,用到訓棺材嗰日都用唔到八舊水啦,夠竟d人諗咩嘅呢?咁得閒就去嘈D電訊商啦,每個月12蚊隧道費,1年都144啦,但搭親地鐵或入隧道㸃都斷一兩次線,要嘈就嘈電訊商呢類pk啦

  9. “這種敏感度,要是能推要廣之,香港早就革命,推翻中共統治了。”

    你地從來無諗過

    唔係佢地唔敏感

    而係由此至於都係得你地一小部份人想要民主

  10. 不過問題是, iphone交USD$1, 可以用足成世, android就年年交錢…哩個亦都唔係錢的問題, 每年買旗都唔止用左8蚊, 間餐廳服務得好, waitress 又靚女, 都唔止比左8蚊 tips, 甚至乎街頭拉二胡個行乞者, 加多兩錢可憐O既樣, 都唔止比左8蚊佢, 問題是, 佢一開始唔係收費, 到你要倚靠用佢時, 佢做成壟斷, 消費者任由宰割, 同賣毒品比d靚妹一樣, 頭兩次免費, 之後, 你話呢,,,whatsapp又話唔想插廣告, 你介意facebook有廣告嗎?!! 倒不如話whatsapp可以慳水慳力, 自己唔使搞個marketing部門, 自己去搵廣告客戶, 日日有錢收, 有錢落袋…守株就能待兔

  11. 盈利公司, 當然不是開善堂, 但市場一家獨大, 缺乏競爭, 後果如何….. 如果一開始用whatsapp, 你話要收費, 我用你, 我咁心命抵, 一但佔據市場, 你就話要收水…又是另一回事

  12. 我是香港人,但住台灣
    如果大家不想付錢用whatsapp,也怕用國貨微信
    又討厭韓國佬的line
    你還有兩個選擇
    M+ Messager 和 Cubie
    都是台灣團體開發的
    免費使用啊

Comments are closed.