我都支持黃洋達架

今午,籌備出選九龍東的黃洋達在facebook上分享了一張血褲少女的義工相片,「呼籲」大家快快加入黃洋達的「熱血公民」義工團,並且為相片作出溫馨提示:「她仍是單身的。」此語一出,可謂群情洶湧,反應熱烈。然而眾聲喧嘩者,非眾狗公之入會申請,而是對黃洋達洋洋灑灑的批判之音。

不少人反感黃洋達利用年輕單身女義工招收義工。就算是玩笑一句,也無異是將支持者擺上檯。畢竟facebook看似圍威喂,但實質上也是個公開空間。但黃洋達的支持者則認為,批評者都是大驚小怪、沒有幽默感、「唔玩得」。黃洋達也很快發文回應。「皇上」稱,這只是一招「引蛇出洞」,「這些攻擊有多無謂,水平有多低,在這次引蛇出洞行動中,可見一斑。」在文中,他又指自己以及「熱血公民」近來做出了成續,所以受到的攻擊也越來越多。而批評他的人,不是收了錢(即別有用心)、就是「腦殘」。

黃洋達的回應
黃洋達的回應

如果黃洋達不作回應,事情就會很快close file。反正女事主對這個玩笑看來也十分受落、與「皇上」談笑風生,打成一片。事實就算是女事主被人過了橋、被擺上檯,外人除了批評幾句,又能如何?虔誠的基督徒每月將十分一收入捐給教會,外人也無從置喙。然而,出了事,如何面對、如何回應公眾,這又是另一個問題了。

素聞黃洋達以論述能力著稱。然而動不動就將異見打為「心懷惡意」,差點沒扣上環球時報式的「別有用心」帽子,不知道是哪個門派的論述方法。搞爛了gag,其他人笑不出來,其實無傷大雅。說笑過了火,又有何奇?道個歉,就可以草草了事。反正政治人物道歉好比吃生菜。但事件真正的笑點原來在黃洋達後續的「引蛇出洞論」。好比你強姦了一個女生,然後跟法官說:「我當時只是想測試一下她的性器官是否運作正常。Come on﹗給點幽默感好不好?」

發一個如此笨拙的回應,除了借傷成毒,用以穩住軍心,使幫眾抵死賣命之外,真的想不到一個理由。

我都支持黃洋達架

黃洋達當然是個聰明人。人民力量不是工聯會。他當然知道政治新丁要靠包裝、講gimmick、講marketing。選民投票,不是選你的黨,而是選你的個人。不要聽信那些愛好論政的書呆子,香港從來沒有甚麼公民社會。黃毓民在社民連風頭最烈的時候突然想過了頭,想要「完善組織」、搞世代交替,下場就是黨裡出現兩條勢力相當的政治路線,最後一拍兩散,唯有另起爐灶。

香港人投票很簡單,就是選你的人。所以個人崇拜,對於維持政治社團,實在太重要了。黃洋達就是循著這條個人崇拜之路崛起的。你跟街上的人sell人民力量好,還是sell黃洋達好?起碼街外人會記得黃洋達chok到行的talk show造型照,不是嗎?黃洋達行事gimmick十足,口舌辯給,當然能聚一群「熱血」的年輕支持者。對於開始關心政治的年輕人,不跟著他黃洋達,難道跟著像一團豬油般溫吞的何俊仁之流麼?不是所有人都像陳景輝般未老先衰的。

要搞政治,就要有計算,要講演技。利用他人,都要面不改容。讓你死了,也是一隻快樂的鬼。信者得救,不信者下地獄。宗教是如此,政治也是如此。要在政壇中找一個冰清玉潔的從政者,就像在這個年代找尋一個處女一樣不現實。在教會,不要跟教徒辯論三位一體是否合理;在「熱血」的支持者面前,也不要質疑他偶像一句。你要面帶微笑,耐心鈴聽他們所有自我感覺良好的對話,然後適時加上一句結語:「唔使講咁多野,我都支持黃洋達架﹗係咪好有霸氣呢﹗」

15 thoughts on “我都支持黃洋達架”

  1. 你話黃洋達搞個人崇拜……
    最怕佢打出名堂->名高蓋主->教主睇唔過眼->黨內大亂鬥->黃洋達被逐……
    好似同毛澤東林彪差唔多?

  2. 既然你都認為黃洋達係講笑, 咁做乜打咁大篇文來串佢? 而黃洋達之所以話引蛇出動, 相信係因為見到有疑似5毛人士出現(果個笑肚擺明扮女仔攪事), 你既然有咁多心思去串d無權既抗爭人士反對派, 不如放多d心機去諗諗香港人如何可以打破掌權既黨政商勾結禍港既局面啦!! 皇上係串係囂張, 但係若然唔比d霸氣出黎, 在如此弱勢的抗爭力量下, 又如何可以號召群眾、打開進一步的共黨禍港、黨政商勾結的困局呢? 如果你第時仲可以有機會在網絡上暢所欲言, 可能正正是今日一眾反對派努力的結果哩!! 否則第時在共黨治下, 你就會知道甚麼是一言堂的世界了!!
    P.S.我一向好BUY你的文章同立場, 同時亦非常支持黃洋達, 不過今次卻不太同意你的看法! 其實黃洋達是一個懂自嘲及很有禮貌的人, 只是可能你只見到他囂張的一面, 並不代表他的全部.

    1. 首先,我睇我要表明我也喜歡黃洋達,証據是我FB有POST佢既相,雖然係背後偷拍,但我當時有同佢打個招呼,仲叫佢加油。
      呢件咁既事我冇咩立場,第一眼見到張相都覺得係一個開玩笑。
      只係,閣下:「你既然有咁多心思去串d無權既抗爭人士反對派, 不如放多d心機去諗諗香港人如何可以打破掌權既黨政商勾結禍港既局面啦」呢種咩邏輯來?我覺得筆者其實對黃洋達有一定好感,只係對黃洋達呢次處理手法發表一些意見,用字上不存有任何不敬,所以用「串」呢個字已經有問題,最好笑既係,原來用多一D諗野串人既心思,就可以度到「香港人如何可以打破掌權既黨政商勾結禍港既局面」,ARE U KIDDING ME?
      難怪香港既政治越來越令人發笑!
      「其實黃洋達是一個懂自嘲及很有禮貌的人」呢點我都覺,只係懂自嘲及很有禮貌的人跟政治上鬥爭一D用都冇,因為政治只論成敗。
      黃洋達再紅再利害都無用,因為香港太多政治水準低的人。

      1. 我呢句:「你既然有咁多心思去串d無權既抗爭人士反對派, 不如放多d心機去諗諗香港人如何可以打破掌權既黨政商勾結禍港既局面啦」並唔係因為所以, 並無因果關係, 只係一個建議, 與「花時間去想無謂野, 不如去諗下D比較有意義既野」一樣意思, 並唔係LOGIC, 千祈唔好解讀錯, 因為現時香港形勢已經非常危急, 一班理念接近既有心人, 大致方向都接近, 都係希望香港好, 能夠爭取到有自由民主, 有公義既社會, 唔會被大陸共產化, 但係如果呢班人只係不斷互相攻擊,
        最後你唔妥我, 我唔順你, 大家係度串黎罵去, 咁樣只會令親者痛, 仇者快, 當權人士掩住半邊咀笑.
        用字上不存有任何不敬 <<在「熱血」的支持者面前,也不要質疑他偶像一句。你要面帶微笑,耐心鈴聽他們所有自我感覺良好的對話,然後適時加上一句結語:「唔使講咁多野,我都支持黃洋達架﹗係咪好有霸氣呢﹗」──「我都支持黃洋達架﹗」呢句其實係串緊黃洋達, 正如如果有人批評梁振英, 跟住有好多人出黎護駕, 跟住批評梁振英既人馬上話我都支持CY架, 咁仲唔係暗串緊人咩?

        原來用多一D諗野串人既心思,就可以度到「香港人如何可以打破掌權既黨政商勾結禍港既局面」 <<如果我將心思改為時間, 你係係會更加明白我點解呢? 一件咁小既事, 花咁大篇文, 咁多既心思去兜大圈去串黃洋達, 實在係非常非常無謂, 因為黃洋達呢次玩笑可能開得過左火位, 提下佢咪算囉! 小事化大就顯得有點那個啦!

        P.S.點解串黃洋達, 要兜咁大個圈先, 因為明知黃洋達支持者多, 容乜易比人圍攻架?! 而且懶係中肯唔直接點名, 咁咪可以誤導到有D人以為「用字上不存有任何不敬」, 咁你唔明?

        1. 係你眼中,原來我係會驚黃生既fans會圍攻我??然後我就會懶中立?下?原來一切又係因為皇上霸氣太強,批評者都要就住就住?嘩,這樣的想象力,想不到皇上麾下都是小說家。

          如果幻想無特堂會怕「黃洋達支持者」是會令你feel good feel safe 的話,我沒有所謂的呀。 我怕甚麼?你的言下之意,我要怕,那潛台詞是不是在說他們都是暴民?不要這樣說他們他們只是熱血而已呀。

          或者你可以諗下呢個世界有樣野叫寫作手法。黃生的支持者水準如何,我知道了。而這樣的收尾,當然不是只想串黃
          生。

          廢話說完,請問支持者們如信心看引蛇出洞論?如此手法,是不是「一件無聊事」,會不會動搖一些對黃生有好感的選民,你們自己想。

          1. 以為是黑帝,原來是阿阿斗
            梁振英
            僧建
            羅范
            林鄭好打得

            Disqus 於 2012年6月22日上午8:31 寫道:

          2. 未上場就被眾叛親離既所謂強勢領袖,我睇佢呢個傀儡唔會有咩作為,佢最叻都係耍幾下乾坤大挪移,等睇戲。

  3. 成件事, 從頭到尾, 左睇右睇都好難唔覺得係一個笑話, 實在難以想像竟然”又”被上綱上線, 最終”又”發展到呢個地步, 由其我作為一個留意左黃洋達好一段時間, 亦有同班早朝/熱血友網上打交道既人, 佢地呢班後生仔之間嗰種略帶狂氣又不拘小節既交流手法, 的確係有別於其他政治組織, 但我就見怪不怪, 亦唔覺得有任何原則上既問題. 當然, 有時似乎同外間某種價值觀, 由其一啲本身已經對黃洋達/人力有成見既人, 睇法上有落差. 即使個GAG有人認為係搞爛左, 但作為一個政治人物, 如果要學無待堂兄咁講要為一個損害唔倒任何人既笑話道歉的話, 亦實在太”搞笑”啦下話?

    無可否應, 黃洋達事後响”圍內”群組(雖然學你咁講, FB本身有一定公共性, 好難”圍內”)既回應亦的確有啲多餘, 但考慮到呢番話明顯係對自己友用番自己友既TONE去講, 而事實上近期有唔少針對熱血公民既指控的確係去到無稽加滑稽既地步, 作為用以穩住軍心既講話, 當中一啲略為跨張既字眼, 作為旁觀者亦無謂作過份解讀.

    1. 原來我係眼紅黃生。聽到你呢個好比能量守恆定律咁石破天驚既結論,我當堂嘩左一聲,然後得淡笑。

    2. 夠鐘食藥未呀?你係點樣得出”眼紅黃生”呢個結論呀?思覺失調都5係咁失吓話?

  4. 好老實,葉一知老師一share呢張相,我都覺得葉sir個邊D人反應過敏左…
    我就絕對唔會評論黃洋達所提既另一個原因,即使佢個句she is still single我都唔會提,因為no case,呢D事外國都有,似乎reserve my opinion會是最好..
    但,今次皇上講咩引蛇出洞,批評者別有用心,就真係自膠左,咁樣又真係支持唔落。
    識攪個人崇拜,惜不懂防守…

發表迴響

你的電子郵件位址並不會被公開。 必要欄位標記為 *

Rating*